İsrail Müdafiə Ordusu paytaxt Tehranda yerləşən İranın əsas infrastruktur obyektlərinə zərbələr endirdiyini rəsmən açıqlayıb.
“Operativ Məlumat Mərkəzi-OMM” İsrail ordusunun mətbuat xidmətinə istinadən xəbər verir.
Rəsmi məlumata görə, aprelin 3-də həyata keçirilən zərbələr zamanı İran Silahlı Qüvvələrinin hava hücumundan müdafiə (HHM) obyektləri hədəf alınıb. Xüsusilə, təyyarələri vurmaq üçün nəzərdə tutulan raketlərin saxlanıldığı İslam İnqilabı Keşikçiləri Korpusuna (SEPAH) məxsus strateji HHM obyekti məhv edilib.
Bundan əlavə, İsrail ordusu tərəfindən İranın elmi-tədqiqat və təcrübi-konstruktor işlərinin mühafizəsinə cavabdeh olan xüsusi hərbi obyektinə də zərbə endirilib.
"Paralel olaraq, İsrail Müdafiə Ordusu ballistik raketlərin saxlanıldığı obyektə, həmçinin müharibə vasitələrinin digər istehsal, elmi-tədqiqat və təcrübə-konstruktor obyektlərinə zərbələr endirib", - deyə rəsmi bəyanatda vurğulanıb.
