İsrail qüvvələri İordan çayının qərb sahilində bir fələstinlini öldürüb, 8 nəfəri yaralayıb

İşğal altındakı İordan çayının qərb sahilinin şimalındakı Nablus şəhərində İsrail əsgərləri bir fələstinlini öldürüb, 8 nəfəri yaralayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Fələstin Qızıl Aypara Cəmiyyətindən verilən açıqlamaya görə, İsrail əsgərləri basqın zamanı əsgərlərin öldürdükləri fələstinlinin cəsədini müsadirə etdiyi, yaralıların isə Nablusdakı xəstəxanalara aparıldığı bildirilib.