İsrail ordusunun Qəzza şəhərinin qərbindəki Şati Qaçqınlar Düşərgəsi və şərqdəki Tuffah bölgəsinə təşkil etdiyi hücumlarda ilkin hesablamalara görə 42 fələstinli həyatını itirib, çoxlu sayda fələstinli isə yaralanıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Şati Qaçqınlar Düşərgəsinə edilən hava hücumlarında mülki şəxslərə aid 7 evin birbaşa hədəfə alınaraq bombalandığını, ümumilikdə 20 evin hücumlardan ciddi ziyan gördüyünü bildirib.

Digər tərəfdən, İsrail ordusu sosial media hesabından verdiyi açıqlamada Qəzzada hücumların baş verdiyi bölgələrin "Həmas tərəfindən hərbi məqsədlər üçün istifadə edildiyini" iddia edib.

Yaponiyada Fuciyə qalxan yollarda aparılan axtarışlar nəticəsində dağın Şizuokaya baxan kraterinin yaxınlığında 3 alpinistin cəsədi tapılıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Kyodo agentliyinin məlumatına görə, Şizuoka prefekturasının polisi alpinistlərin itkin düşməsi barədə xəbəri aldıqdan sonra axtarış əməliyyatına başlayıb.

Yaponiya milli mediası bildirir ki, yerli və xarici ziyarətçilərin günəşin doğuşunu izləmək də daxil olmaqla turistik məqsədlər üçün etdikləri gecə dırmaşmaları zamanı qəzalar baş verə bilər.

İsrail ordusunun 7 oktyabr 2023-cü il tarixindən etibarən Qəzza zolağına həyata keçirdiyi hücumlarda ölənlərin sayı son 24 saatda 47 nəfər artaraq 37 min 765-ə çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Ordunun son 24 saat ərzində Qəzzanın müxtəlif bölgələrində 3 “qırğın” həyata keçirdiyi və bu hücumlarda daha 47 fələstinlinin həyatını itirdiyi, 52 nəfərin isə yaralandığı bildirilib. Bununla da yaralıların sayı isə 86 min 429-a yüksəlib.

Ərzaq və Kənd Təsərrüfatı Təşkilatı, Ümumdünya Ərzaq Proqramı və UNICEF Sudanın görünməmiş aclıq fəlakəti ilə üzləşdiyini açıqlayıb.

"Operativ Məlumat Mərkəzi-OMM" xəbər verir ki, bu barədə xariciKİV məlumat yayıb.

Bəyanatda BMT-nin müvafiq qurumları Sudanda bir ildən artıqdır davam edən müharibənin ərzaq təhlükəsizliyini tamamilə pozduğunu diqqətə çatdırıb, xüsusən də uşaqların vəziyyətinin sürətlə pisləşdiyi barədə xəbərdarlıq edib.

Bəyanata daxil edilən İnteqrasiya edilmiş Qida Təhlükəsizliyi Mərhələ Təsnifatı (IPC) hesabatının son məlumatları, Sudanda ərzaq təhlükəsizliyinin sürətlə pisləşməsi səbəbindən "fəlakət/qıtlıq" mənasını verən IPC Mərhələ 5-də 755 min insanın olduğunu ortaya qoyub.

İqlim dəyişikliyinin yaratdığı həddindən artıq isti dalğası 16-24 iyun tarixləri arasında dünyanın müxtəlif yerlərində təxminən 5 milyard insana təsir edib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, dünya əhalisinin 60 faizindən çoxu ayın ortalarına kimi iqlim dəyişikliyinin ən azı üç dəfə daha çox olduğu həddindən artıq istilərlə üzləşib. Neft, qaz və kömürün yanması nəticəsində yaranan tullantıların yaratdığı iqlim dəyişikliyi səbəbindən 16-24 iyun tarixləri arasında Hindistanda 619 milyon, Çində isə 579 milyon insan həddindən artıq isti havaya məruz qalıb.

İndoneziyada 231 milyon, Nigeriyada 206 milyon, Braziliyada 176 milyon, Banqladeşdə 171 milyon və ABŞ-da 165 milyon insan həddindən artıq isti havadan təsirləndiyi halda, Avropada 152 milyon, Meksika və Efiopiyada 123 milyon insan anormal istilərə məruz qaldı.

İyunun 16-dan 24-dək olan həddindən artıq isti dalğası dünyanın digər hissələri də daxil olmaqla, təxminən 5 milyard insana təsir edib.

Yəmənin Qırmızı dənizdəki Hodeyda limanı sahillərində ticarət gəmisinə hücum edilib.

"Operativ Məlumat Mərkəzi-OMM" xəbər verir ki, bu barədə dəniz təhlükəsizliyi məsələləri ilə məşğul olan Britaniyanın Ambrey şirkəti məlumat yayıb.

Şirkətdən verilən məlumata görə, gəmidən hücum siqnalı alınıb.

Ekipaj bildirib ki, gəmi Hudeyda limanından 155 km aralıda mərmiyə düşüb. Dağıntı və ya insan tələfatı barədə məlumat yoxdur. Gəminin Ərəbistanın Əd-Dəmmam şəhərinə doğru hərəkət etdiyi qeyd edilib.