İsrail Müdafiə Ordusu (İDF) Qəzza zolağındakı hərbi hədəflərə hava zərbələri endirib və 24 saat ərzində Fələstin anklavının cənubundakı silahlı radikalların çoxsaylı dəstəsini məhv edib.
"Operativ Məlumat Mərkəzi-OMM" xəbər verir ki, bu barədə TASS məlumat yayıb.
Zərbələr terrorçu dəstələr, hərbi qurğular və terror infrastrukturuna endirilib.
Rəfah şəhəri və ona bitişik Tell əs-Sultan bölgəsində İsrail bölmələri Hərbi Hava Qüvvələri ilə birlikdə çoxsaylı terrorçu dəstələri məhv edib.
Bildirilib ki, İsrail hərbçiləri Qəzzanın mərkəzi hissəsində əməliyyat fəaliyyətini davam etdirir, ordu 24 saat ərzində HƏMAS-ın silah anbarlarını və hərbi obyektlərini məhv edib.
