7 oktyabr 2023-cü ildən bəri işğal altındakı İordan çayının qərb sahilində İsrail qüvvələri tərəfindən nəzarətə alınan fələstinlilərin sayı 6 mini keçib.
"Operativ Məlumat Mərkəzi-OMM" xəbər verir ki, bu barədə Fələstin Əsirlər Dərnəyi ilə Fələstin Azadlıq Təşkilatına bağlı Əsir və Azad Edilən Heyət tərəfindən edilən ortaq açıqlamada qeyd olunub.
Açıqlamaya görə, qüvvələr dünən gecədən bəri aralarında uşaqların da olduğu ən azı 45 fələstinlini nəzarətə götürüb.
Bəyanatda vurğulanıb ki, basqın və həbslərlə yanaşı, basqın, insanlara və onların ailələrinə qarşı təhdidlər, evlərin sökülməsi və zədələnməsi, öldürmək məqsədi ilə birbaşa atəş açılması kimi qanun pozuntuları da yaşanıb.
