İsrailin Hayfa və Aşdod limanları təhlükəli yük daşıyan gəmilərin qəbulunu dayandırıb.
"Operativ Məlumat Mərkəzi-OMM" xəbər verir ki, bu barədə Türkiyənin "Ekonomim" qəzeti məlumat yayıb.
Bildirilir ki, təhlükəli yüklərin çeşidinin bir hissəsinin qəbuluna məhdudiyyətlər tətbiq edilib. Bəzi daşıyıcılar artıq yola düşmüş gəmiləri başqa limanlara göndərmək və ya yükləmə zonalarına qaytarmaq məcburiyyətində qalırlar.
Bundan əlavə, Yaxın Şərqdəki döyüşlər səbəbindən bəzi daşıyıcılar İsrail limanlarına gedən yüklər üçün yük tariflərini artırıblar.
"Ekonomim" yazır ki, münaqişə fonunda Türkiyədən Fələstinə tədarük sıfıra, İsrailə isə 50%-dən çox azalıb. Eyni zamanda, ənənəvi olaraq bütün yük daşımalarının 90%-i dəniz nəqliyyatının payına düşür.
