OMM Redaksiyası
İsrail Müdafiə Ordusu, İsfahanda yerləşən İran sualtı tədqiqat mərkəzinə zərbə endirdiyini rəsmən bildirib.
Bu barədə “Operativ Məlumat Mərkəzi-OMM” ordunun mətbuat xidmətinə istinadən xəbər verir.
Sözügedən mərkəz İranda Hərbi Dəniz Qüvvələri (HDQ) üçün sualtı qayıqların və təminat sistemlərinin layihələndirilməsinə və hazırlanmasına cavabdeh olan yeganə müəssisədir. Bundan başqa, bu obyektdə pilotsuz uçuş aparatlarının müxtəlif modelləri istehsal olunur.
"24 mart tarixində endirilən zərbə İranın HDQ üçün yeni və müasir sualtı qayıqların istehsalı, eləcə də mövcud donanmanın modernləşdirilməsi imkanlarını əhəmiyyətli dərəcədə məhdudlaşdıracaq", - deyə məlumatda qeyd edilib.
Açıqlamada həmçinin vurğulanır ki, İsrail Müdafiə Ordusu mövcud istehsal imkanlarını sarsıtmaq üçün İranın hərbi sənayesinə zərbələr endirməyə davam edəcək.
