İsrail Müdafiə Qüvvələri Qərb Sahilinin şimalında böyük antiterror əməliyyatına start verildiyini açıqlayıb.
"Operativ Məlumat Mərkəzi-OMM" xəbər verir ki, bu barədə ordunun yaydığı rəsmi bəyanatda bildirilir.
Məlumata görə,ordu, Sərhəd Polisi və Baş Təhlükəsizlik Xidməti Samariya bölgəsinin şimal hissəsində koordinasiyalı şəkildə əməliyyat həyata keçirir.
Ordu nümayəndəsi bildirib ki, İsrail təhlükəsizlik qüvvələri bölgədə terror infrastrukturunun formalaşmasına imkan verməyəcək:
"Ordu terrorizmin qarşısını almaq üçün aktiv tədbirlər görür və bu ərazidə terror fəaliyyətinin kök salmasına icazə verməyəcək".
Əməliyyatın detalları hələlik açıqlanmayıb.
