İordan çayının qərb sahilinin Tulkarm şəhərinə basqın edən İsrail ordusu buldozerlərlə bəzi yolları dağıdıb.
"Operativ Məlumat Mərkəzi-OMM" xəbər verir ki, bu barədə Əl-Cəzirə telekanalı məlumat yayıb.
Jurnalistlərin məlumatına görə, İsrail əsgərləri Nur Şəms qaçqın düşərgəsini mühasirəyə alaraq şəhərdəki evlərin damına snayperlər yerləşdiriblər.
Qeyd olunub ki, hərbi buldozer müqavimət hərəkatından olan fələstinlilər tərəfindən partladılıb və onlar maşına partlayıcı yerləşdirməyi bacarıb.
Basqından bir qədər əvvəl İsrail Nur Şəms düşərgəsindəki binaya hücum edərək, Fələstin İslami Cihad hərəkatının komandirini öldürüb, beş nəfəri yaralayıb.
