İsrail hakimiyyəti girovları azad etmək üçün HƏMAS ilə razılaşma çərçivəsində 3 fələstinli qadın və 30 uşağı azad edib.
"Operativ Məlumat Mərkəzi-OMM" xəbər verir ki, bu barədə Qətərin “Əl-Cəzirə” telekanalı məlumat yayıb.
Onun sözlərinə görə, məhbus mübadiləsi sazişinin dördüncü mərhələsi çərçivəsində “İsrail hakimiyyəti həbsxanalarda məhbus olan 30 uşaq və 3 fələstinli qadını azad edib”.
Telekanal həmçinin fələstinli məhbusları daşıyan avtobusun Qırmızı Xaç Cəmiyyətinin tibbi qruplarının müşayiəti ilə Ofer həbsxanasını tərk edərək İordan çayının qərb sahilində yerləşən Ramallaha çatdığını bildirir.
