ABŞ-nin NATO daxilində İrana dair mövqe ilə bağlı addımlar planlaşdırdığı iddia olunur
"Operativ Məlumat Mərkəzi-OMM" xəbər verir ki, bu barədə Reuters agentliyi ABŞ rəsmisinə və Pentaqondan sızdığı bildirilən sənədə istinadən məlumat yayıb.
Bildirilib ki, Vaşinqton İrana qarşı əməliyyatlara dəstək vermədiyi hesab edilən NATO müttəfiqlərinə qarşı təsir tədbirləri üzərində işləyir.
Qeyd olunub ki, sözügedən məktubda bəzi ölkələrin əməliyyatlar üçün zəruri olan bazalara giriş, yaşayış və uçuş hüquqlarını təmin etməkdən imtina etməsi və ya tərəddüd göstərməsi tənqid edilib.
Məlumata görə, müzakirə olunan mümkün addımlar arasında “problemli” ölkələrin NATO daxilində əsas vəzifələrdən kənarlaşdırılması və hətta İspaniyanın ittifaqdakı rolunun dayandırılması ehtimalı da yer alır.
Açıqlamada bu müzakirələrin İspaniyanın ABŞ hərbi obyektlərinə ev sahibliyi etməsinə baxmayaraq, öz ərazisini İrana qarşı əməliyyatlar üçün istifadəyə verməkdən imtina etməsi ilə əlaqələndirildiyi bildirilir.
Reuters-in məlumatına görə, bu addımlar NATO daxilində “avropalılar arasında imtiyaz hissini azaltmaq” məqsədi daşıya bilər.
