İrəvan və Moskva Rusiya telekanallarının Ermənistandakı fəaliyyətini müzakirə edəcəklər.
"Operativ Məlumat Mərkəzi-OMM" xəbər verir ki, bu barədə "Armenpress" agentliyinə Yüksək Texnologiyalar sənayesi nazirinin müavini Avet Poqosyan bildirib.
"Yüksək Texnologiyalar Sənayesi Nazirliyi rəsmi olaraq Rusiya tərəfinə iki ölkənin müvafiq qurumları arasında kütləvi telekommunikasiya sahəsində əməkdaşlıq haqqında əldə edilmiş razılaşmaların həyata keçirilməsi ilə bağlı məsləhətləşmələrin aparılmasını xahiş edib. Rusiya tərəfi dəvəti qəbul edib və dekabrın ortalarına Ermənistan və Rusiya arasında kütləvi telekommunikasiya sahəsində dövlətlərarası Sazişin yerinə yetirilməsi ilə bağlı məsləhətləşmələr planlaşdırılır", - deyə o qeyd edib.
