"Ermənistan Azərbaycanla ticarət-iqtisadi əməkdaşlığa hazırdır. Bu da neft məhsullarının alınmasını əhatə edə bilər".
"Operativ Məlumat Mərkəzi-OMM" xəbər verir ki, bu sözləri Ermənistan parlamentinin sədri Alen Simonyan deyib.
Ermənistan parlamentinin sədri diqqəti yalnız yanacağa yönəltməkdən uzaqlaşmağa çağırıb.
O qeyd edib ki, alternativ enerji mənbələri nə qədər çox olsa, Ermənistan üçün bir o qədər yaxşıdır.
Simonyan fikrincə, İrəvan həm də Bakıya öz mallarını Ermənistan ərazisindən keçməklə Naxçıvana və Türkiyəyə ixrac etməyə icazə verməlidir.
