ABŞ prezidenti Donald Tramp İranı hərbi əməliyyatla hədələyən İsrailin baş naziri Benyamin Netanyahudan danışıqlar variantını nəzərdən keçirməyi xahiş edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Tramp İsrailin baş naziri Netanyahu ilə telefon danışığı barədə mətbuata məlumat verib.
Netanyahu ilə bir çox mövzunu müzakirə etdiyini bildirən Tramp, İranla bağlı danışıqları da təklif etdiyini bildirib.
"Netanyahuya dedim ki, İranla danışıqlar aparmalısan. Bu şəkildə daha yaxşı ola bilərsən. Bu, sənə verə biləcəyim günün ideyası ola bilər. Qalx və müzakirə et", - Tramp qeyd edib.
Tramp dağıntıya və ölümə səbəb olmayacaq bir razılaşma əldə etməyə çalışdıqlarını da qeyd edib.
