Afət Ziyadqızı
İran prezidenti Məsud Pezeşkian Rusiya lideri Vladimir Putinlə telefon danışığında Tehranın oktyabrda Kazanda keçiriləcək BRİKS sammitində Moskva ilə hərtərəfli strateji tərəfdaşlıq sazişi imzalamağa hazır olduğunu bildirib.
"Operativ Məlumat Mərkəzi-OMM" xəbər verir ki, bu barədə İRNA agentliyi məlumat yayıb.
İyulun 8-də axşam Putinlə görüşündə Pezeşkian qeyd edib ki, müvafiq sazişin imzalanması ilə bağlı sənədlər artıq hazırdır.
Agentlik iranlı siyasətçinin sözlərini sitat gətirir: “Biz dost və qonşumuz Rusiya ilə əlaqələrə böyük əhəmiyyət veririk və şübhəsiz ki, bu əlaqələri gücləndirəcəyik”.
İRNA-nın məlumatına görə, Pezeşkian telefon danışığında iki ölkə arasında beynəlxalq platformalarda əməkdaşlığın vacibliyinə diqqət çəkib və əmin edib ki, İranın yeni hökuməti sələfi İbrahim Rəisinin dövründə Rusiya ilə əldə olunan razılaşmaların həyata keçirilməsi üçün əlindən gələni edəcək.
