İranda yerləşən uşaq onkoloji xəstəxanası bölgədəki hərbi gərginlik səbəbindən müvəqqəti fəaliyyətini dayandırıb.
“Operativ Məlumat Mərkəzi-OMM” xəbər verir ki, Ahvaz şəhərində yerləşən xəstəxananın yaxınlığında iyulun 15-i axşam saatlarında güclü partlayışlar baş verib. “Ahvaz Cundişapur Tibb Elmləri Universiteti”nin rəhbəri Hatam Bostaninin məlumatına görə, partlayışların ABŞ tərəfindən həyata keçirilən hava zərbələri nəticəsində baş verdiyi bildirilib.
Hadisədən sonra xəstəxana rəhbərliyi təhlükəsizlik məqsədilə təxliyə qərarı verib. Pasiyentlər, onların ailə üzvləri və tibbi heyət təhlükəsiz şəkildə başqa tibb müəssisələrinə köçürülüb.
Məlumata görə, təxliyə zamanı heç bir xəsarət alan olmayıb. Hazırda xəstəxananın yenidən fəaliyyətini bərpa etdiyi və xəstələrə tibbi xidmət göstərməyə davam etdiyi qeyd olunub.
