İranın raket hücumu nəticəsində İsraildə xəsarət alanlar var

İran" tərəfindən endirilən raket zərbələri nəticəsində İsraildə bir nəfər orta dərəcəli xəsarət alıb.

"Operativ Məlumat Mərkəzi-OMM" xarici KİV-ə istinadən xəbər verir ki, daha 12 nəfər isə partlayış zamanı ətrafa yayılan şüşə qırıntıları səbəbindən yaralanaraq "Soroka" xəstəxanasına yerləşdirilib.

"Yedioth Ahronoth" qəzetinin verdiyi xəbərə əsasən, raketlərin düşdüyü ərazilərdən ümumilikdə 51 nəfər təxliyə edilərək tibb müəssisələrinə çatdırılıb.

Bildirilir ki, bu şəxslərin böyük əksəriyyəti ciddi fiziki xəsarət almasa da, güclü panik atak keçirdikləri üçün yüngül yaralı statusunda qeydiyyata alınıblar.

Xatırladaq ki, regionda gərginlik fevralın 28-də ABŞ və İsrailin İrana qarşı hərbi əməliyyatlara başlaması ilə pik həddə çatıb.