ABŞ və İsrailin birgə hücumları nəticəsində İranın Kəşfiyyat Nazirliyinin generalı Sərdar Rzayi öldürülüb.
“Operativ Məlumat Mərkəzi-OMM” xəbər verir ki, bu barədə "Tasnim" agentliyi məlumat yayıb.
Həmçinin, ABŞ ilə İsrailin hücumları nəticəsində İranda öldürülən digər yüksəkvəzifəli şəxslərin siyahısı açıqlanıb. Siyahıda İranın Ali rəhbəri Əli Xamenei, İslam İnqilabı Keşikçiləri Korpusunun (SEPAH) baş komandanı general-mayor Məhəmməd Pakpur və ali dini liderin müşaviri Əli Şamxani yer alıb.
Siyahıda eyni zamanda İran Silahlı Qüvvələrinin Baş Qərargah rəisi general-mayor Əbdülrəhim Musəvi və müdafiə naziri Əmir Nəsirzadənin adı var. Qeyd olunur ki, həlak olan digər şəxslərin adları sonradan ictimaiyyətə təqdim ediləcək.
Xatırladaq ki, ABŞ və İsrail fevralın 28-də İrana qarşı hərbi əməliyyata başlayaraq respublikanın şəhərlərinə hava zərbələri endirib. İran da cavab olaraq İsrail ərazisinə raketlər buraxıb. Bundan əlavə, İranın silahlı qüvvələri ABŞ-nin Fars körfəzi ölkələrində yerləşən on dörd hərbi bazasına hücum təşkil edib.
Yaxın Şərqdəki mövcud vəziyyətlə əlaqədar regionun bəzi ölkələri hava məkanını müvəqqəti bağlayıb.
