ABŞ hakimiyyətinin İranın Rusiya və digər ölkələri silahla təmin etməsi ilə bağlı ittihamları yalandır.
"Operativ Məlumat Mərkəzi-OMM" xəbər verir ki, bu barədə İran Xarici İşlər Nazirliyinin rəsmi nümayəndəsi Nasser Kanaani "X" sosial şəbəkəsindəki səhifəsində məlumat yayıb.
“İranın bəzi ölkələrə silah tədarükü ilə bağlı yalan və aldadıcı xəbərlərin yayılması sadəcə olaraq iyrənc təbliğat və yalandır”, - diplomat bildirib.
O, həmçinin qeyd edib ki, ABŞ bu dezinformasiyanı Vaşinqtondan və digər Qərb ölkələrindən İsrailə və onun Qəzza zolağındakı əməliyyatlarına “qeyri-qanuni dəstəyin” həcmini gizlətmək üçün yayır.
