Qətər Xarici İşlər Nazirliyi İranın Dohadakı səfiri Əli Saleh Abadini XİN-ə çağırıb.
"Operativ Məlumat Mərkəzi-OMM" xəbər verir ki, bu barədə Qətər Xarici İşlər Nazirliyinin mətbuat xidməti məlumat yayıb.
Qeyd edilib ki, İran səfirinə ABŞ-nin Əl-Udeid aviabazasına endirilən raket zərbəsi ilə bağlı etiraz bildirilib.
Nazirlik təsdiq edib ki, Qətərin beynəlxalq hüquq normalarına uyğun olaraq bu kobud pozuntuya cavab vermək hüququnu özündə saxlayır.
Mətbuat xidməti qeyd edib ki, Qətərin xarici işlər üzrə dövlət naziri Sultan əl-Mureyxi səfirlə söhbət zamanı hərbi bazaya hücumu mehriban qonşuluq prinsipinin pozulması adlandırıb.
