İranda növbədənkənar prezident seçkilərində iştirak edəcək namizədlərin yekun siyahısı iyunun 11-də açıqlanacaq.
"Operativ Məlumat Mərkəzi-OMM" xəbər verir ki, bu barədə Tehran əyalətinin Seçki Qərargahının katibi Abbas Cohari IRIB telekanalında bildirib.
Onun sözlərinə görə, namizədlərin qeydiyyatı mayın 30-da başlayacaq və 5 gün davam edəcək.
Cohari deyib ki, namizədlərin yekun siyahısı elan edildikdən sonra onlar daha 15 gün ərzində seçki kampaniyası apara biləcəklər.
Mayın 20-də İran hakimiyyəti növbədənkənar prezident seçkilərin iyunun 28-nə təyin olunduğunu elan edib.
İran tarixində 14-cü prezident seçkiləri mayın 19-da Şərqi Azərbaycan əyalətində Prezident İbrahim Rəisinin helikopter qəzasında həlak olması ilə əlaqədar keçiriləcək.
