İran Prezidenti Məsud Pezeşkian Bağdadda iraqlı həmkarı Əbdül Lətif Rəşidlə görüşüb.

"Operativ Məlumat Mərkəzi-OMM" xəbər verir ki, bu barədə İran KİV-i məlumat yayıb.

Onların hansı məsələləri müzakirə etdikləri hələ ki açıqlanmayıb.

***

İran Prezidenti Məsud Pezeşkianın İraqa rəsmi səfəri başlayıb.

"Operativ Məlumat Mərkəzi-OMM" xəbər verir ki, məlumatı İRNA yayıb.

Bildirilib ki, M.Pezeşkianın Bağdad Beynəlxalq Hava Limanında rəsmi qarşılanma mərasimi olub. İraqın Baş naziri Məhəmməd Şiə əl-Sudani Məsud Pezeşkianı salamlayıb. Hökumət başçısı və nümayəndə heyəti ilə görüşdən sonra İraq Prezidenti Əbdül Lətif Rəşidlə İran Prezidenti arasında görüş olacaq. Bundan sonra iki ölkənin yüksək səviyyəli nümayəndə heyətləri arasında danışıqlar keçiriləcək.

M.Pezeşkianın Nəcəf və Kərbəlanı ziyarət edəcəyi, Bəsrə, Ərbil, Süleymaniyyə şəhərlərinə səfəri planlaşdırılıb.

İran Prezidenti səfəröncəsi açıqlamasında deyib ki, İraqa səfəri islam və qonşu ölkələrlə qarşılıqlı fəaliyyət və əlaqələrin inkişafının, dərinləşməsinin yeni dövrünün başlanğıcıdır. O, İraqda əməkdaşlığa dair müqavilələr imzalayacaq.

M.Pezeşkian deyib ki, İraq İslam dininin mərkəzlərindən biridir və bu ölkə ilə İranı dini, siyasi, iqtisadi, mədəni və başqa sahələr üzrə məsələlər bağlayır: “Bura elm, mədəniyyət ocağı, ruhanilərin səfər etdiyi ölkədir. 14-cü hökumətin (Pezeşkianın başçılıq etdiyi hökumət İran İslam Respublikasının 14-cü hökumətidir - red.) ilk xarici səfərini İraqa etməsi də təbiidir”.

***

İran Prezidenti Məsud Pezeşkian İraqın paytaxtı Bağdada yola düşüb.

"Operativ Məlumat Mərkəzi-OMM" xəbər verir ki, bu barədə İran KİV-i məlumat yayıb.

M.Pezeşkianın qonşu ölkəyə səfəri İraqın Baş naziri Məhəmməd Şia Əl-Sudaninin dəvəti ilə həyata keçirilir.

İranın hökumət başçısı İraqda bir sıra rəsmi görüşlər keçirəcək, həmçinin səfər çərçivəsində ikitərəfli sənədlərin imzalanması gözlənilir.

Bu, onun prezident kimi ilk xarici səfəridir.

Rusiya Təhlükəsizlik Şurasının katibi Sergey Şoyqu İrana səfər edib.

"Operativ Məlumat Mərkəzi-OMM" xəbər verir ki, bu barədə RT telekanalı məlumat yayıb.

Bildirilib ki, o, İranın Ali Milli Təhlükəsizlik Şurasının katibi Əli Əkbər Əhmədian ilə görüş keçirib.

Gürcüstan parlamenti 6 minə yaxın məhbusu əhatə edəcək “Amnistiya haqqında” qanunu üçüncü oxunuşda təsdiqləyib.

"Operativ Məlumat Mərkəzi-OMM" xəbər verir ki, bu barədə Gürcüstan KİV-i məlumat yayıb.

Onlardan mindən çoxu qanun qüvvəyə mindikdən sonra azadlığa buraxılacaq, qalanlarının cəzaçəkmə müddəti azaldılacaq.

Parlament çoxluğunun lideri Mamuka Mdinaradze jurnalistlərə bildirib ki, hakim “Gürcü arzusu - Demokratik Gürcüstan” partiyasının təşəbbüsü ilə həyata keçirilən amnistiya humanitar aktdır və məhbusların sayının Avropa standartlarına uyğunlaşdırılmasına yönəlib.

Hakimiyyətin elan etdiyi amnistiyanı səs toplamaq üçün seçkiqabağı addım hesab edən müxalifət deputatları sənədin müzakirəsində iştirak etməyiblər.

Rusiya Ermənistana BMT-nin müxtəlif proqramlarının həyata keçirilməsi üçün ümumi büdcəsi təxminən 40 milyon dollar olan və hər iki ölkənin müəyyən sosial qruplarını dəstəkləmək üçün maliyyə dəstəyi verir.

"Operativ Məlumat Mərkəzi-OMM" xəbər verir ki, bu barədə Rusiya səfirliyinin mətbuat xidmətinin bəyanatında bildirilir.

Açıqlamaya görə, Rusiya Birləşmiş Millətlər Təşkilatının İnkişaf Proqramı (UNDP) vasitəsilə 9,7 milyon dollarlıq layihələri maliyyələşdirir. 2020-ci ildən Rusiya Birləşmiş Millətlər Təşkilatının İnkişaf Proqramının Uşaq Fondu vasitəsilə Ermənistanda bərabər iştirak və inklüziv inkişaf üçün xidmət sektorunun gücləndirilməsi adlı 3 milyon dollarlıq layihə həyata keçirir. Bu layihə əlillər üçün əsas xidmətlərin səmərəliliyini artırmaq məqsədi daşıyır.

“2010-cu ildən BMT-nin Ümumdünya Ərzaq Proqramı (ÜƏP) ümumtəhsil məktəblərində isti yeməklə təminat mexanizmini yaratmaq və onu tədricən Ermənistan hökumətinin balansına keçirmək məqsədi daşıyan Davamlı Məktəb Qidasının İnkişafı layihəsini uğurla həyata keçirir. Layihənin büdcəsi 25 milyon dollardan çoxdur”, - Rusiya səfirliyindən bildiriblər.

İran prezidenti Məsud Pezeşkian Nyu-Yorkda BMT Baş Assambleyasının 79-cu sessiyasında iştirak edəcək.

"Operativ Məlumat Mərkəzi-OMM" xəbər verir ki, bu barədə "Tasnim" agentliyi məlumat yayıb.

Məlumata görə, İran prezidenti sentyabrın 22-də Nyu-Yorka uçacaq və Baş Assambleyada çıxışı sentyabrın 24-də baş tutacaq.

Agentlik qeyd edib ki, prezidentin BMT Baş Assambleyasında çıxışı ilə yanaşı, "Gələcək" Sammitdə iştirakı, ABŞ-dakı İran diasporunun nümayəndələri, media nümayəndələri ilə görüşləri, habelə dövlət başçıları ilə danışıqları nəzərdə tutulub.

İranda əxlaq polisi bundan sonra qadınları geyimlərinə görə narahat etməyəcək. 

"Operativ Məlumat Mərkəzi-OMM" xəbər verir ki, bu sözləri İran prezidenti Məsud Pezeşkian jurnalistlərə müsahibəsində deyib. 

Pezeşkianın bu açıqlamaları hicabı düzgün taxmadığı üçün polis tərəfindən saxlanılaraq bölməyə aparılan və orada anidən vəfat edən 22 yaşlı Məhsa Əmininin 2-ci ildönümünə təsadüf edib. 

Reformist kimliyi ilə tanınan Pezeşkian əxlaq polisinin ifrat situasiyalar istisna olmaqla, qadınların geyiminə qarışa və ya onlara bu barədə xəbərdarlıq etmə öhdəliyinin olmadığını deyib. 

İran lideri, bundan sonra bu məsələ ilə şəxsən maraqlkanacağını vurğulayıb. Bu Pezeşkianın prezident seçildikdən sonra keçirdiyi ilk mətbuat konfransı olub. 

Mətbuat konfransı dövlət televiziyası, o cümlədən İRİNN xəbər kanalı vasitəsilə canlı yayımlanıb. Pezeşkianın qadın jurnalistin hicab və əxlaq polisi ilə bağlı söhbəti qısa müddətdə internetdə milyonlarla izlənmə alaraq trendə düşüb. 

Seçki kampaniyası zamanı o, məcburi hicab hicabını tətbiq edən polis patrullarına qarşı çıxacağını vəd edib. O, həmçinin ölkədə uzun müddətdir mövcud olan bəzi internet nəzarətlərini asanlaşdıracağına söz verib.

O, seçkilər öncəsi verdiyi son açıqlamalarda ölkədə etnik və məzhəb ayrı-seçkiliyi və məcburi hicab problemi də daxil olmaqla qadın azadlığı probleminin həlli ilə bağlı vədləri ilə diqqət çəkib. Pezeşkian həmçinin insanlara daha çox azadlıq verilməsini dəstəkləyib və ölkəni birlik və həmrəyliklə idarə edəcəyinə söz verib. İran xalqının mühüm hissəsinin son illərdə hakimiyyətdən incidiyini deyən Pezeşkiyan, ilkin olaraq bu incikliyi aradan qaldırmağı və İran xalqına azadlıq və firavanlış bəxş edəcəyinni bildirib.

İran 2022-ci ildə qadınların başçılıq etdiyi ümummilli etirazlardan sonra sosial mediaya nəzarəti gücləndirib.

BMT bir neçə gün öncə İranda qadınların sərt geyim qaydalarını pozduqlarına görə hələ də zorakılıqla cəzalandırıldığı barədə xəbərdarlıq etmişdi. 

İranın hazırda İsraillə soyuq müharibə şəraitində olması, həmçinin yeni hökumətin ölkənin xarici siyasətini dirçəltmə planı, hicab məsələsini ikinci plana atsa da, qarşıdakı vaxtlarda Pezeşkianın rəhbərliyi altında hicab qaydalarında ciddi güzəştlərə gediləcəyi və bir sıra digər məhdudiyyətlərin yüngülləşəcəyi gözlənilir.