Afət Ziyadqızı
İran Ordusu İordaniya və Bəhreyndəki hərbi bazalara PUA hücumları həyata keçirdiyini açıqlayıb.
“Operativ Məlumat Mərkəzi-OMM” xəbər verir ki, bu barədə İran İslam Respublikasının Ordusu rəsmi məlumat yayıb.
Bildirilib ki, İranın hərbi qüvvələri pilotsuz uçuş aparatları vasitəsilə İordaniyada yerləşən “Al-Azraq” hərbi bazasına zərbələr endirib. Açıqlamaya əsasən, əməliyyat çərçivəsində “Arash” tipli PUA-larla Bəhreyndəki “Şeyx İsa” aviabazasında yerləşən bir sıra strateji obyektlər də hədəfə alınıb.
İran Ordusunun iddiasına görə, hücumlar nəticəsində bazadakı iri texnika anbarları, örtülü sahələr, eləcə də ağır təyyarələrin texniki xidmət və təmir mərkəzləri vurulub.
Qeyd olunub ki, əməliyyat ölkənin cənub bölgələrinin sakinlərinə həsr edilib. Ordunun bəyanatında bildirilib ki, hərbi qüvvələr ictimai dəstəklə və ölkənin qurucu liderinin, eləcə də həlak olmuş komandirlərin xatirəsinə ehtiram əlaməti olaraq mübarizəni davam etdirəcəklərini bəyan ediblər.
