İranın Ali rəhbəri Müctəba Xamenei, atası və əvvəlki rəhbər Əli Xameneinin vəfatından 40 gün sonra verdiyi bəyanatda ölkəsinin müharibəyə can atmadığını, lakin öz hüquqlarından imtina etməyəcəyini açıqlayıb.
“Operativ Məlumat Mərkəzi-OMM”-in məlumatına görə, bu bəyanat İran dövlət televiziyası vasitəsilə yayımlanıb.
Xatırladaq ki, ABŞ və İsrail fevralın 28-də İrana qarşı hərbi əməliyyatlara başlayıb. Nəticədə ayətullah Əli Xamenei və bir sıra yüksək vəzifəli şəxslər öldürülüb.
Bundan sonra İran; İsraillə yanaşı, ABŞ və müttəfiqlərinin hərbi bazalarının yerləşdiyi Səudiyyə Ərəbistanı, Qətər, Birləşmiş Ərəb Əmirlikləri, Oman, Bəhreyn, İraq və Kiprdə müəyyən etdiyi hədəflərə zərbələr endirməyə başlayıb.
İran, ABŞ və onların müttəfiqləri 2026-cı il aprelin 8-nə keçən gecə iki həftəlik atəşkəs barədə razılığa gəliblər.
İran bildirib ki, bu müddət ərzində Hörmüz boğazından təhlükəsiz keçid ölkənin Silahlı Qüvvələri ilə koordinasiya olunmaqla və texniki məhdudiyyətlər nəzərə alınmaqla təmin ediləcək.
