İranın BMT-dəki Daimi Nümayəndəliyi ABŞ seçkilərinə müdaxilə ittihamlarını qəti şəkildə rədd edib.
"Operativ Məlumat Mərkəzi-OMM" xəbər verir ki, bu barədə diplomatik nümayəndəliyin bəyanatında deyilir.
Nümayəndəlik öz bəyanatında respublikanın Birləşmiş Ştatların daxili münaqişələrində və ya seçki mübahisələrində iştirak etmədiyini vurğulayıb.
Həmçinin qeyd edilir ki, Tehran Amerika seçkilərinə müdaxilə etmək üçün heç bir motivasiya və ya niyyətinin olmadığını dəfələrlə və açıq şəkildə bəyan edib.
“Bu cür əsassız ittihamların davam etdirilməsi yalnız onların etibarını sarsıdır”, - missiya əlavə edib.
