İordan çayının qərb sahilində İsrail qüvvələrinin açdığı atəş nəticəsində bir fələstinli həyatını itirib

İsrail əsgərləri işğal altındakı İordan çayının qərb sahilindəki Hebron şəhəri yaxınlığında qeyri-qanuni yəhudi yaşayış məntəqəsinə atəş açdığı iddia edilən bir fələstinlini öldürüb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Hadisə nəticəsində dağıntı və can itkisinin olmadığı bildirilərkən, atəş açdığı iddia edilən fələstinli bölgədəki əsgərlər tərəfindən öldürülüb.

Qeyd olunub ki, İsrail ordusu müsəlman qəbiristanlığının ətrafına əlavə qüvvələr yerləşdirib.