İslamabad dairə məhkəməsi keçmiş Baş nazir və müxalif “Ədalət Uğrunda Hərəkat” partiyasının sədri İmran Xanın vəkillərinin onun həbsi barədə orderin dayandırılması barədə müraciətini rədd edib.

 "Operativ Məlumat Mərkəzi-OMM" xəbər verir ki, bu barədə Geo.tv-də bildirilib. Onun məlumatına görə, müdafiə tərəfi fevralın 28-də İmran Xanın həbsi barədə verilmiş orderin Baş nazirin məhkəmə prosesinə müntəzəm gəlməməsi ilə bağlı ləğv olunmasını istəyirdi.

Rusiya hərbçiləri Kursk vilayətinin Uspenovka və Borki yaşayış məntəqələrini azad edib.

"Operativ Məlumat Mərkəzi-OMM" xəbər verir ki, bu barədə Rusiya Müdafiə Nazirliyi məlumat yayıb.

Uspenovka — Korenevski rayonunda, Ukrayna ilə sərhəddə yerləşən kənddir. Borki isə rayon mərkəzindən təxminən 15 km cənub-şərqdə, Sudjanski rayonunda qəsəbədir.

Latviya Böyük Britaniyadan alınmış CVR(T) döyüş kəşfiyyatlı zirehli maşınlarını Ukraynaya təhvil verəcək.

"Operativ Məlumat Mərkəzi-OMM" Latviya Müdafiə Nazirliyinin mətbuat xidmətinə istinadən məlumat verir ki, əməliyyat təhlükəsizliyi səbəbindən təhvil verilən maşınların sayı açıqlanmayıb.

Əvvəllər nazirlik Latviyanın ən azı 2026-cı ilə qədər Ukraynaya hər il ümumi daxili məhsulun 0,25%-i həcmində hərbi yardım göstərəcəyini açıqlamışdı. Latviya bu günə qədər Ukraynaya geniş çeşiddə silah və texnika, o cümlədən vaxtilə Avstriyadan alınmış helikopterlər və özüyeriyən haubitsalar verib.

Oktyabrın 1-də NATO-nun baş katibi kimi işini başa vuracaq Yens Stoltenberq Münhen Təhlükəsizlik Konfransının yeni sədri olacaq.

"Operativ Məlumat Mərkəzi-OMM" xəbər verir ki, bu barədə “Politico” nəşri məlumat yayıb.

Nəşrin məlumatına görə, Stoltenberq bu vəzifəni 2025-ci ilin fevralında keçiriləcək Münhen konfransından sonra icra edəcək.

Kursk istiqamətində hərbi əməliyyatlar başlayandan bəri Ukrayna tərəfi 12,5 mindən çox hərbi qulluqçusunu itirib.

"Operativ Məlumat Mərkəzi-OMM" xəbər verir ki, bu barədə Rusiya Müdafiə Nazirliyi məlumat yayıb.

“Ümumilikdə, Kursk istiqamətində gedən döyüşlər zamanı Ukrayna tərəfi 101 tank, 42 ​​piyada döyüş maşını, 83 zirehli transportyor, 669 zirehli döyüş maşını, 410 texnika, 92 artilleriya qurğusu, 26 reaktiv yaylım atəşi sistemini itirib".

Beynəlxalq Valyuta Fondunun (BVF) nümayəndələri və Ukrayna hakimiyyət orqanları 15,6 milyard dollarlıq yardım proqramının 1,1 milyard dollarlıq hissəsini Kiyevə ayırmağa razılaşıblar.

"Operativ Məlumat Mərkəzi-OMM" xəbər verir ki, bu barədə BVF-nin mətbuat xidməti məlumat yayıb.

BVF komandasının rəhbəri Qevin Qrey sentyabrın 4-10-da Kiyevdə Ukrayna hakimiyyəti ilə danışıqlar aparıb. O bildirib ki, qərargah səviyyəsində razılıq əldə olunub.

Razılaşma indi BVF-nin icraçı şurası tərəfindən təsdiqlənməlidir ki, bu da yaxın həftələrdə baş verəcək.

2023-cü ilin martında BVF Ukrayna üçün 15,6 milyard dollar məbləğində dördillik proqramı təsdiqləyib.