Azərbaycan Respublikasının Prezidenti İlham Əliyev Xorvatiya Respublikasının Prezidenti Zoran Milanoviçə təbrik məktubu ünvanlayıb. “Operativ Məlumat Mərkəzi-OMM”-in məlumatına görə, dövlət başçısının təbrikində deyilir:
“Hörmətli cənab Prezident, Xorvatiya Respublikasının milli bayramı – Dövlətçilik Günü münasibətilə Sizi və Sizin simanızda bütün xalqınızı öz adımdan və Azərbaycan xalqı adından ürəkdən təbrik edirəm.
Azərbaycan ilə Xorvatiya arasındakı dostluq və əməkdaşlıq əlaqələri zəngin ənənələrə söykənir. Əminəm ki, konstruktiv dialoqumuzun davamı, ikitərəfli münasibətlərimizin daha da möhkəmlənməsi və əməkdaşlığımızın genişləndirilməsi istiqamətindəki birgə səylərimiz xalqlarımızın rifahı naminə uğurla davam edəcəkdir.
Bu əlamətdar gündə Sizə möhkəm cansağlığı, fəaliyyətinizdə müvəffəqiyyətlər, dost Xorvatiya xalqına isə daim əmin-amanlıq və firavanlıq arzulayıram”.
