“Türkiyə Prezidenti ənənəvi olaraq ilk xarici səfərini Şimali Kipr Türk Cümhuriyyəti və Azərbaycana edir”.

"Operativ Məlumat Mərkəzi - OMM" xəbər verir ki, bunu Türkiyə Prezident Administrasiyasının sözçüsü İbrahim Kalın bildirib.

Onun sözlərinə görə, iyunun 1-də Moldovanın paytaxtı Kişineuda da bir tədbir var: “Prezident Rəcəb Tayyib Ərdoğanın həmin toplantıya qatılıb-qatılmayacağı hələ ki məlum deyil”.

İ.Kalın deyib ki, Kişineuda keçiriləcək görüşə Avropa İttifaqına üzv ölkələr və daha 20 dövlət dəvət edilib: “Orada liderlərlə bir görüş də ola bilər".

Rusiya Federasiyasının Xarici İşlər Nazirliyi (RF XİN) Azərbaycan, Ermənistan və Rusiya arasında üçtərəfli razılaşmaların, o cümlədən Bakı ilə İrəvan arasında sülh müqaviləsinin razılaşdırılmasının, regionda nəqliyyat kommunikasiyalarının açılmasının və Azərbaycan-Ermənistan sərhədinin delimitasiyasının həyata keçirilməsinin zəruriliyini qeyd edib.

"Operativ Məlumat Mərkəzi-OMM" xəbər verir ki, bu barədə RF XİN kollegiyasının “Cənubi Qafqazda Rusiya maraqlarının inkişafı haqqında” mövzusunda iclası barədə mediaya verilən məlumatda deyilir.

Qeyd edilib ki, Rusiya üçün prioritet Cənubi Qafqazda sabitliyin, təhlükəsizliyin və rifahın təmin olunması olub və indi də belədir. Azərbaycan, Ermənistan və Rusiya arasında üçtərəfli razılaşmaların, o cümlədən Bakı ilə İrəvan arasında sülh müqaviləsinin razılaşdırılması, regionda nəqliyyat kommunikasiyalarının açılması və Azərbaycan-Ermənistan sərhədinin delimitasiyasının tam həyata keçirilməsinə nail olmağa davam etməyin zəruri olduğu qeyd edilib.

İclas zamanı bölgənin koordinasiyasının və özünü təmin etməsinin gücləndirilməsi problemləri, ilk növbədə xaricdən müdaxilə olmadan bölgələrin özləri tərəfindən həll edilməsi maraqları baxımından nəzərdən keçirilib. Bu kontekstdə “3+3” (Azərbaycan, Ermənistan, Gürcüstan və İran, Rusiya, Türkiyə) Regional Məşvərət Platformasının potensialından istifadənin xüsusi əhəmiyyəti vurğulanıb. Bu istiqamətdə əməli addımların atılması nəzərdə tutulub.

Ukraynanın şimal-şərqində yerləşən Poltava şəhərində partlayış səsi eşidilib.

"Operativ Məlumat Mərkəzi-OMM" xəbər verir ki, bu barədə yerli RBC-Ukrayna yayımının Teleqram kanalında məlumat verilib.

"Poltavada partlayış səsi eşidilib", - deyə nəşr yazır.

Digər təfərrüatlar hələlik açıqlanmayıb.

İran Azərbaycanla Ermənistan arasında sərhədlərin delimitasiyası komissiyasının iclasında əldə olunmuş razılaşmalara hörmətlə yanaşır.

"Operativ Məlumat Mərkəzi-OMM" İSNA-ya istinadən xəbər verir ki, bunu İran Xarici İşlər Nazirliyinin sözçüsü Naser Kənani aprelin 23-də jurnalistlərin Ermənistanın Azərbaycana aid kəndlərdən 4-nün geri qaytarılması ilə bağlı sualına cavabında bildirib.

Onun sözlərinə görə, Azərbaycan və Ermənistanın bir-birinin suverenliyi, ərazi bütövlüyünə qarşılıqlı hörmət çərçivəsində sülh yolu ilə sərhəd məsələlərinin həlli istiqamətində səylərini davam etdirməsi, davamlı sülh və sabitliyin Cənubi Qafqazda bərqərar olması üçün zəruridir.

Azərbaycan və Ermənistan sülh sazişi üzərində işləyirlər, lakin hələ də razılaşdırılmamış maddələr var.

"Operativ Məlumat Mərkəzi-OMM" xəbər verir ki, bu barədə Rusiya Prezidenti Vladimir Putinin mətbuat katibi Dmitri Peskov bildirib.

O, həmçinin iki ölkə liderlərinin sərhədlərin delimitasiyası ilə bağlı danışıqları davam etdirdiyini qeyd edərək, bəzi məsələlərin artıq razılaşdırıldığını vurğulayıb.

Rusiya prezidentinin mətbuat katibi, həmçinin bəyan edib ki, Rusiya sülhməramlılarının Azərbaycanın Qarabağ bölgəsindən çıxarılması regiondakı mövcud reallıqlara uyğundur.

“Bu (sülhməramlıların çıxarılması - red.), Ermənistanın 1991-ci ilin Azərbaycan sərhədlərini tanımasından sonra regionda formalaşan mövcud reallıqlara uyğundur. Orada geosiyasi reallıqlar dəyişib və artıq sülhməramlılar üçün heç bir funksiya qalmayıb”, - Peskov deyib.

Ermənistan baş nazirinin müavini Mqer Qriqroyan ABŞ-nin İrəvandakı səfiri Kristina Kuinni ilə görüşüb.

"Operativ Məlumat Mərkəzi-OMM" Ermənistan KİV-inə istinadən xəbər verir ki, məlumatı hökumətin mətbuat xidməti yayıb.

Məlumata görə, tərəflər ABŞ-Ermənistan ikitərəfli münasibətləri, eləcə də Azərbaycanla Ermənistan arasında dövlət sərhədinin demarkasiyası prosesini müzakirə ediblər.