Türkiyə hakimiyyəti Suriyada Suriya Ərəb Ordusu ilə kürd qüvvələri arasında baş verə biləcək toqquşmalar fonunda müxtəlif ssenarilərin qarşısını almaq üçün zəruri hərbi tədbirlər görüb.
"Operativ Məlumat Mərkəzi-OMM" xəbər verir ki, bunuHökumətyönlü “Hürriyet” qəzeti məlumat yayıb.
Məlumata görə, Ankara Suriyadakı vəziyyəti yaxından izləyir, çünki bu ölkədəki sabitlik birbaşa Türkiyənin milli təhlükəsizliyi ilə əlaqəlidir.
Xatırladaq ki, yanvarın 7-də Suriyanın SANA xəbər agentliyi Hələbin kürd məhəllələrində silahlı toqquşmaların yenidən başladığını bildirmişdi. Halbuki bundan əvvəl, çərşənbə axşamı tərəflər arasında müvəqqəti atəşkəs əldə olunmuşdu.
“Hürriyet”in hökumət dairələrinə yaxın köşə yazarı Hande Fırat yazır ki, mümkün risklərin qarşısını almaq üçün Ankara qabaqlayıcı addımlar atıb:
“Bütün mümkün ssenariləri əhatə etmək üçün müvafiq hərbi tədbirlər artıq görülüb”.
Nəşrin vurğuladığına görə, Türkiyə Suriyanın şimalındakı prosesləri regional təhlükəsizlik baxımından strateji əhəmiyyət daşıyan məsələ kimi dəyərləndirir.
