Hörmüz boğazında bir gəmi naməlum obyekt tərəfindən vurulub.
“Operativ Məlumat Mərkəzi-OMM”xəbər verir ki, bununla bağlı Böyük Britaniya Dəniz Ticarət Əməliyyatları İdarəsi (UKMTO) açıqlama yayıb.
UKMTO-nun yaydığı yazılı açıqlamada Hörmüz boğazında hərəkətdə olan gəminin mühərrik bölməsinə naməlum obyektin dəydiyi bildirilib.
Hadisə nəticəsində ekipaj üzvləri arasında itkilərin olduğu qeyd edilib. Gəmidəki digər ekipaj üzvlərinin isə Oman Sahil Mühafizəsi qüvvələri tərəfindən xilas edildiyi bildirilib.
Səlahiyyətli qurumların hadisənin miqyasını və səbəblərini araşdırdığı açıqlanıb.
