Afət Ziyadqızı
Franda Prezidenti Emmanuel Makron və Kir Starmer Parisdə Hörmüz boğazında təhlükəsizlik və naviqasiya azadlığının bərpası ilə bağlı çoxtərəfli müdafiə missiyasının koordinasiyası məqsədilə video konfrans keçirəcəklər.
"Operativ Məlumat Mərkəzi-OMM" xəbər verir ki, bu barədə Fransa Prezidentliyinin mətbuat xidməti məlumat yayıb.
Məlumata görə, konfransın əsas məqsədi Hörmüz boğazında artan gərginlik fonunda təhlükəsiz gəmiçiliyin təmin olunması üçün beynəlxalq təşəbbüsə dəstəyin əlaqələndirilməsidir.
Bildirilib ki, görüşdən əvvəl yüksək vəzifəli diplomatların da video formatda ilkin müzakirələr aparması planlaşdırılır.
Avropa ölkələri təşəbbüs çərçivəsində regionda sabitliyin qorunması və dəniz yollarının təhlükəsizliyinin təmin olunmasına töhfə verməyi hədəfləyir.
