Hondurasda yerləşən qadın həbsxanasında iğtişaş baş verib.
"Operativ Məlumat Mərkəzi-OMM" xarici KİV-ə istinadən xəbər verir ki, hadisə zamanı 41 nəfər dünyasını dəyişib.
İğtişaş iki dəstə arasında olan münaqişə nəticəsində baş verib.
Belə ki, dəstələrdən biri hücrəni yandırırıb. Rəsmilərin verdiyi məlumatda bildirilib ki, ölümün əsas səbəbi sözügedən yanğın olub.
Hadisədən dərhal sonra ölkənin Təhlükəsizlik naziri Julissa Villanueva fövqəladə vəziyyət elan edərək zorakılığa qarşı sərt tədbir görüləcəyini qeyd edib.
