Hizbullah Hərəkatı İsrailin sərhəddəki hərbi tankını idarə olunan raketlə hədəfə aldığını açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada hadisə nəticəsində İsrail əsgərləri arasında ölən və yaralananların olduğu qeyd edilib. Metulada fərqli nöqtədə olan əsgərlərin yenidən idarə olunan raketlə vurulduğu da bildirilib.

Vyetnam Sosialist Respublikasının (SRV) parlamenti mayın 22-də ölkənin yeni prezidentinə səs verəcək.

"Operativ Məlumat Mərkəzi-OMM" TASS-a istinadən xəbər verir ki, nəticələr açıqlandıqdan sonra yeni prezident and içəcək və inauqurasiya nitqi ilə çıxış edəcək.

Məlumata görə, mayın 21-də Milli Məclisin daimi komissiyası prezidentliyə seçiləcək namizədlərin siyahısını deputatların müzakirəsinə təqdim edib.

Avropa İttifaqı (Aİ) ölkələri Rusiyanın aktivlərindən əldə edilən gəlirin 90 faizinin Ukraynanın silahla təmin edilməsinə xərclənməsinə dair planı təsdiqləyib.

"Operativ Məlumat Mərkəzi-OMM" TASS-a istinadən xəbər verir ki, bu barədə Çexiyanın xarici işlər naziri Yan Lipavski bildirib.

“Aİ Rusiya Mərkəzi Bankının dondurulmuş aktivlərindən əldə olunan gəlirin Ukraynaya yardım göstərmək üçün istifadə edilməsini təsdiq edib. 2024-cü ildə 3 milyard avroya qədər olan məbləğin 90 faizi Ukrayna Silahlı Qüvvələrinin ehtiyaclarına yönəldiləcək”, - o, “X” sosial şəbəkəsindəki hesabında qeyd edib.

Yeni Kaledoniyada etirazlar zamanı sahibkarlara dəyən zərərin məbləği 1 milyard avroya çata bilər.

"Operativ Məlumat Mərkəzi-OMM" TASS-a istinadən xəbər verir ki, bu barədə Yeni Kaledoniyanın Ticarət və Sənaye Palatasının sədri David Qiyen məlumat verib.

“İndiyədək olan məlumatlara əsasən, zərərin məbləği 1 milyard avroya yaxınlaşır”, - o, “France Culture” radiosuna açıqlamasında deyib.

Onun sözlərinə görə, bu, sənayedən ticarətə qədər iqtisadiyyatın bütün sektorlarına, xüsusilə də avtomobil satıcılarına təsir göstərib.

Xatırladaq ki, Yeni Kaledoniyada mayın 15-də 12 gün müddətinə fövqəladə vəziyyət elan edilib.

Fransa Prezidenti Emmanuel Makron gün ərzində mayın 13-dən kütləvi etirazların keçirildiyi Yeni Kaledoniyaya səfər edəcək.

"Operativ Məlumat Mərkəzi-OMM" TASS-a istinadən xəbər verir ki, bu barədə Fransa hökumətinin rəsmi nümayəndəsi Priska Teveno məlumat verib.

“Nazirlər Şurasının iclası zamanı prezident bu axşam Yeni Kaledoniyaya səfər edəcəyini bildirib”, - o, Nazirlər Şurasının iclasından sonra keçirilən brifinqdə deyib.

Daha əvvəl məlumat verilmişdi ki, E.Makronun sədrlik etdiyi Fransa Müdafiə Şurası etirazlar fonunda Yeni Kaledoniyaya əlavə hərbi qüvvə göndərmək qərarına gəlib.

Almaniyanın xarici işlər naziri Annalena Berbok Ukraynaya səfərə gedib.

"Operativ Məlumat Mərkəzi-OMM" xəbər verir ki, bu barədə DPA agentliyi məlumat yayıb.

Bildirilib ki, o, Ukraynaya dəstək əlaməti olaraq Kiyevdə səfərdədir.