Macarıstana səfərini başa vurduqdan sonra ABŞ-ə uçan İsrailin Baş Naziri Benyamin Netanyahu bəzi Avropa ölkələrinin Beynəlxalq Cinayət Məhkəməsinin (ICC) barəsində çıxardığı həbs qərarını yerinə yetirəcəyindən narahat olaraq marşrutunu uzadıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Netanyahu bəzi Avropa ölkələrinin Qəzzada törədilən hərbi cinayətlər və insanlığa qarşı cinayətlərlə bağlı BCM-nin qərarını təcili eniş zamanı həyata keçirmə ehtimalına görə marşrutunu uzatmağı seçib.
Netanyahu Macarıstanın paytaxtı Budapeştdən ABŞ-nin paytaxtı Vaşinqtona səfəri zamanı 400 kilometr daha uzun bir marşrutla uçub.
