ABŞ Təhsil Departamenti müxtəlif təşkilatlar tərəfindən Harvard Universitetinə verilən 8,7 milyard dollardan çox qrantın vətəndaş hüquqları qanunlarına uyğun istifadə edilməsini təmin etmək üçün araşdırma başladıldığını açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Harvardın topladığı 8,7 milyard dollardan çox ianə ilə birlikdə federal hökumətlə imzalanan 255 milyon dollarlıq müqavilənin uyğunluğunun araşdırılacağı bildirilib.
Sözügedən qrantın vətəndaş hüquqları qanunlarına uyğun istifadə edilməsini təmin etmək üçün açılan istintaqın ABŞ-dəkı universitet şəhərciklərində antisemitizm təqiblərini aradan qaldırmağı hədəfləyən araşdırma çərçivəsində aparıldığı qeyd olunub.
