Avqustun 16-sı gecə saat 2 radələrində Qaradağ rayonu ərazisində quldurluq hadisəsi baş verib.
"Operativ Məlumat Mərkəzi-OMM" DİN-in Mətbuat xidmətinə istinadən xəbər verir ki, naməlum şəxslərin evlərin birinə daxil olaraq orada yaşayan 2 qadına kəsici alətlə xəsarət yetirib soyuducu, televizor və kondisioner aparması ilə bağlı polisə məlumat daxil olub.
Qaradağ RPİ 10-cu Polis Şöbəsi əməkdaşlarının keçirdikləri tədbirlərlə quldurluq əməlini törətməkdə şübhəli bilinən E.Hətəmov, M.Nağıyev və T.Nağıyev müəyyən edilərək saxlanılıblar.
Araşdırma aparılır.
