Fransada fermerlərin etiraz aksiyası davam edir.
"Operativ Məlumat Mərkəzi-OMM" xarici KİV-ə istinadən xəbər verir ki, onlar bu dəfə Prezident E.Makronun da qatıldığı Paris kənd təsərrüfatı sərgisinin keçirildiyi binaya daxil olublar.
Sərgi mərkəzinə girişi bağlayan hüquq-mühafizə orqanlarının əməkdaşlarının etirazçıları dayandırmaq cəhdləri heç bir nəticə verməyib.
Nəticədə təhlükəsizlik qüvvələri ilə aksiya iştirakçıları arasında toqquşma olub. Qarşıdurma Makronun fermerlərin nümayəndələri görüş keçirdiyi vaxta təsadüf edib.
Fəallar “Makron istefa ver” tipli şüarlar səsləndiriblər.
Xatırladaq ki, Fransalı fermerlər əsasən gəlirlərinin aşağı olmasına, sərt bürokratiya qaydalarına və ədalətsiz rəqabət mühitinə etiraz edirlər.
Onlar bu ayın əvvəlində də etiraz aksiyası keçirərək magistral yolları bağlayıb və ictimai binaların qarşısını çirkləndiriblər.