Birləşmiş Ərəb Əmirlikləri (BƏƏ)-Nikaraqua reysini həyata keçirərkən yanacaq doldurmaq üçün dayandığı Fransada 4 gün saxlanılan və sərnişinlərinin əksəriyyəti Hindistan vətəndaşları olan təyyarə Hindistanın Mumbay şəhərinə eniş edib.
"Operativ Məlumat Mərkəzi-OMM" xəbər verir ki, bu barədə Hindistan mətbuatı məlumat yayıb.
Belə ki, Fransanın 4 gün sonra havaya qalxmağa icazə verdiyi təyyarə 27 sərnişinini Fransada buraxaraq 276 sərnişinlə Mumbaya eniş edib. Sərnişinlərdən 25-nin sığınacaq üçün müraciət etdiyi üçün Fransada qaldığı, 2-nin isə insan alveri şübhəsi ilə dindirilmək üçün bu ölkədə qaldığı qeyd edilib.