Afət Ziyadqızı
Birləşmiş Ərəb Əmirlikləri (BƏƏ) İran aviaşirkətlərinin ölkəyə həyata keçirdiyi bütün uçuşları dayandırıb.
“Operativ Məlumat Mərkəzi-OMM” xəbər verir ki, bu barədə BƏƏ-nin Ümumi Mülki Aviasiya İdarəsi rəsmi açıqlama yayıb.
Açıklamada qərara səbəb kimi ABŞ-nin İran aviaşirkətlərinin dünya üzrə hava limanlarından istifadəsinə qoyduğu qadağa və tətbiq etdiyi sanksiyalar göstərilib.
Açıqlamada BƏƏ ilə İran arasında hava nəqliyyatı yenidən normallaşana qədər ictimaiyyətin və əlaqədar bütün tərəflərin inkişaflar barədə mütəmadi məlumatlandırılacağı qeyd olunub.
Mülki Aviasiya İdarəsi hava nəqliyyatı ilə bağlı proseslərdə dezinformasiyanın qarşısını almaq üçün ictimaiyyəti yalnız səlahiyyətli rəsmi mənbələrin yaydığı məlumatlara etibar etməyə çağırıb.
