Fransa bu il NATO-nun müəyyən etdiyi ümumi daxili məhsulun (ÜDM) 2 faizini hərbi büdcəyə ayırma hədəfinə çatacağını bildirib.
"Operativ Məlumat Mərkəzi-OMM" xəbər verir ki, bu barədə Fransanın müdafiə naziri Sebastien Lecornu bildirib.
Lecornu vurğulayıb ki, üzərində dayanılması lazım olan “əsas məqam” ÜDM-in 2 faizini müdafiə xərclərinə ayırmaqdansa, bu nisbətin hərbi sahədə “səmərəli” istifadəsidir.
Fransa parlamenti 7 illik hərbi büdcənin 2023-cü ildə 413 milyard avroya çatdırılmasını nəzərdə tutan qanun layihəsini qəbul edib.
Fransa 2030-cu ildə hərbi büdcəsini 2019-cu ilə nisbətən iki dəfə artırmağı hədəfləyir.
ABŞ-ın keçmiş prezidenti Donald Trampın NATO müttəfiqlərini müdafiəyə kifayət qədər xərcləmədiyinə görə tənqid etməsi NATO-nun müəyyən etdiyi 2 faizlik hədəfə hansı ittifaq üzvlərinin əməl etməsi məsələsini gündəmə gətirib.
