Londonda Böyük Britaniyanın baş naziri Key Starmer və Fransa prezidenti Emmanuel Makronun iştirakı ilə Fransa-Britaniya sammiti başlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Sammitin əvvəlində Makron bildirib ki, müzakirə mövzuları arasında Yaxın Şərqdəki vəziyyət və İranla nüvə sazişinin bağlanması olacaq.
Hər iki lider Ukraynaya dəstəyini bir daha təsdiq edəcəklərini və Rusiyaya təzyiqləri artıracaqlarını bildiriblər.
Danışıqlara, həmçinin müdafiə sahəsində əməkdaşlıq, birgə raket inkişafı və nüvə sahəsində əməkdaşlıq daxildir. Sammitdən əvvəl hər iki tərəf “Storm Shadow” raketləri sifariş edəcəklərini və yeni əvəzedici sistemlər hazırlayacaqlarını açıqlayıblar.
