Filippində torpaq sürüşməsində ölənlərin sayı artıb

Filippinin cənubundakı Davao de Oro əyalətində mədən sahəsinin yaxınlığında baş verən sürüşmə nəticəsində ölənlərin sayı 68-ə çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İtkin kimi qeydə alınan 51 nəfərdən hələ də xəbər olmadığı bildirilsə də, Maco şəhərinin fəlakət rəsmisi Ariel Kapoy səlahiyyətlilərin sabahdan etibarən axtarış-xilasetmə işlərinə son qoyacağını bildirib.

ABŞ-ın Maniladakı səfirliyindən verilən açıqlamada, ABŞ Beynəlxalq İnkişaf Agentliyinin xətti ilə cənub adalarındakı fəlakətlərdən zərər çəkmiş icmalara 1,25 milyon dollarlıq humanitar yardımın edildiyi bildirilib.