Filippin prezidenti Ferdinand Markos Ukrayna lideri Vladimir Zelenskiyə deyib ki, ölkədəki münaqişənin həlli təkcə Kiyevə aid olmamalıdır.
"Operativ Məlumat Mərkəzi-OMM" xəbər verir ki, onun sözlərini RİA Novosti sitat gətirib.
“Biz ölkənizdə sülhü təşviq etmək, hərbi əməliyyatlara son qoymaq və siyasi həllə nail olmaq üçün mümkün olan hər şeyi etməyə davam edəcəyik”, - deyə Markos bildirib.
O qeyd edib ki, “təkcə Ukrayna üçün deyil, həm də bütün dünya üçün mənəvi cəhətdən məqbul vəziyyətə qayıtmaq lazımdır”.
Prezident həmçinin əlavə edib ki, Filippin “həqiqətən də Ukraynaya kömək etməkdə davam etmək istəyir”.
