Fövqəladə Hallar Nazirliyinin (FHN) 112 - qaynar telefon xəttinə daxil olmuş zənglər əsasında nazirliyin aidiyyəti qurumları tərəfindən ötən sutka ərzində 11 halda yanğına çıxış və 8 halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib.
Nazirlikdən "Operativ Məlumat Mərkəzi-OMM"-ə bildirilib ki, görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.
Ümumilikdə, FHN-in qüvvələri tərəfindən ötən sutka ərzində ikisi azyaşlı olmaqla doqquz nəfər xilas olunub. Həmçinin Astara rayonunun Ərçivan qəsəbəsi və Maşxan kəndində subasmaya məruz qalmış fərdi yaşayış evlərində köməksiz vəziyyətdə qalan 38 nəfər təxliyə edilib.