“Fənərbağça” Meyson Qrinvudu daha diqqətli olmağa çağırıb

“Fənərbağça”nın ingiltərəli futbolçusu Meyson Qrinvudun Bakıda “Turan Tovuz”la keçirilən hazırlıq matçında qırmızı vərəqə alması klub daxilində müzakirə olunub. Qrinvudun rəqibinə müdaxiləsindən sonra meydandan kənarlaşdırıldığı bildirilir.

Məlumata görə, milli komandaların oyunları ilə əlaqədar yaranan fasilədə keçirilən qarşılaşmadan sonra baş məşqçi İsmail Kartal futbolçu ilə söhbət edib. “Fənərbağça”nın Azərbaycan səfərindən qayıtmasının ardından Kartal Qrinvudla fərdi görüş keçirərək ondan növbəti oyunlarda daha diqqətli olmasını istəyib.

Bildirilir ki, təcrübəli mütəxəssis futbolçuya komanda üçün nə qədər vacib olduğunu xatırladıb və qarşıdakı dövrdə onları kritik oyunların gözlədiyini vurğulayıb. Kartalın Qrinvuda “Komanda üçün çox dəyərlisən” dediyi qeyd olunur.

“Fənərbağça” mövsümün həlledici mərhələsinə daxil olarkən Qrinvudun həm meydandakı çıxışını, həm də intizamını diqqətdə saxlayacaq.