Fələstinin xarici işlər naziri Riyad əl-Maliki İsrailin Qəzzanın cənubundakı Rəfah şəhərinə hücum edərək soyqırımını davam etdirmək istədiyini açıqlayıb.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Belə ki, Maliki BMT-nin Cenevrə ofisində Akkreditasiya olunmuş Mətbuat Assosiasiyasına (ACANU) üzv olan jurnalistlərlə görüşərək, İsrailin Qəzzaya hücumu və bu mövzuda son inkişaflarla bağlı qiymətləndirmələr aparıb.
İsrailin Qəzzada dinc əhaliyə qarşı müharibə elan etməsindən 144 gün keçdiyini xatırladan Maliki hücumlarda əksəriyyəti qadın və uşaq olmaqla 30 mindən çox insanın həlak olduğunu, 70 mindən çox insanın isə yaralandığını bildirib.
Maliki İsrailin Qəzzada böyük dağıntılar törətdiyini, səhiyyə sistemini, xəstəxanaları, kilsələri, məscidləri və məktəbləri hədəf aldığını bildirib.
Fələstin XİN başçısı: "İsrail Rəfaha hücum edərək soyqırımı davam etdirmək istəyir"
1 dəq
