Çin Xalq Respublikasının Tibet Muxtar Bölgəsində yerləşən Everest dağında pis hava şəraiti səbəbindən dağda qapalı qalan 350 turist təhlükəsiz şəkildə aşağı enib.
"Operativ Məlumat Mərkəzi-OMM xəbər verir ki, Britaniyanın ''The Guardian'' qəzetinin məlumatına görə, turistlər yaxınlıqdakı Qudan şəhərinə gətiriliblər.
Xilasedicilər həmçinin dağda qalan digər – 200-dən çox insandan ibarət qrupla da əlaqə yaradıblar. Onların da tezliklə bölgəyə göndərilən xilasedici qrupun rəhbərliyi ilə yamacdan endiriləcəyi bildirilib.
Qeyd edək ki, bölgədəki qeyri-sabit hava şəraiti son günlər turistlər üçün ciddi təhlükə yaradıb.
