Aİ səfirləri İran XİN-ə çağırıldı

İran ölkədəki bütün Avropa İttifaqı (Aİ) səfirlərini Xarici İşlər Nazirliyinə çağırıb.

"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.

Həmçinin oxuyun

Pakistan və İran XİN rəhbərləri regional məsələləri müzakirə ediblər

İran XİN: Rusiyanın iştirakı ilə Əfqanıstan üzrə ikinci görüş mart ayında keçiriləcək

Rusiya və İran XIN başçıları arasında telefon danışığı olub

Bildirilib ki, səfirlər Xarici İşlər Nazirliyinə dəvət edilib və Aİ-nin İnqilab Keşikçiləri Korpusunu terror təşkilatı kimi tanımaq qərarı qınanılıb.

Nazirlik rəsmilərinin səfirlərlə keçirdiyi görüşlərdə Aİ-nin bu qərarının beynəlxalq hüquqa və BMT Nizamnaməsinə zidd olduğu bildirilib.

Sözügedən qərarın İran xalqına qarşı təhqir kimi qiymətləndiriləcəyi vurğulanıb.

İranlı rəsmilər həmçinin İnqilab Keşikçiləri Korpusunun İranın milli təhlükəsizliyinin təmin olunmasında mühüm vəzifələr yerinə yetirdiyini və Aİ-nin bu qərarı ilə beynəlxalq sülhə və hüququn aliliyi prinsipinə zərbə vurduğunu ifadə ediblər.

Xatırladaq ki, Aİ daha əvvəl İnqilab Keşikçiləri Korpusunu terror siyahısına saldığını elan etmişdi.