Martın 8-də səhər saatlarında Ermənistanda 5,1 bal gücündə zəlzələ baş verib. Yeraltı təkanlar Gürcüstan sərhədindən 24 kilometr məsafədə qeydə alınıb və Gürcüstan əhalisi də zəlzələni hiss edib.
"Operativ Məlumat Mərkəzi-OMM" xəbər verir ki, bu barədə Gürcüstan Seysmik Monitorinq Mərkəzinin rəhbəri Tea Godoladze məlumat verib.
Bildirilir ki, zəlzələnin episentri Spitak yaxınlığında, Pan-Baxsevan zonasında yerləşir. Ərazi Gürcüstanın Dmanisi bələdiyyəsinə yaxın olduğu üçün bu bölgədə də təşviş yaradıb.
Ermənistan Daxili İşlər Nazirliyinin məlumatına görə, yeraltı təkanlar Lori, Tavuş və Şirak rayonlarında 4-6 bal, Kotayk, Geqarkunik və Araqatsotn rayonlarında isə 2-4 bal, Spitak, Stepanavan və Lori vilayətinin Vanadzor şəhərlərində 2-3 bal gücündə olub.
Günorta saatlarına qədər bir neçə afterşok qeydə alınıb.
Dağıntı və tələfat barədə məlumat verilmir.
